Sorgleg frétt

Þorvaldseyri er í mínum huga ein fallegast jörð landsins. Það er fallegt að aka framhjá og sjá vindinn sveigja öxin á kornökrunum og jökulinn fyrir ofan. Það eru ekki margir staðir í heiminum þar sem kornrækt er stunduð í slíkri nálægð við jökul.

Þetta er líka fyrirmyndarbú. Jörðina byggja framsýnir og duglegir ábúendur. Snyrtimennskan og fagmennskan blasir við í öllum verkum þeirra. Búið er sjálfum sér nógt um orku. Ættfaðirinn Ólafur byggði rafstöð á jörðinni 1928 sem Ólafur Eggertsson barnabarn hans hefur endurbætt og gott betur því hann bætti við borholu sem leggur jörðinni til heitt vatn. Ég hef stundum fengið að líta við hjá Ólafi þegar ég hef þurft að sýna útlendingum fyrirmyndarbú. Seinast í sumar kom ég þar með kanadíska kvikmyndagerðarmenn sem voru að gera kvikmynd um jarðfræði heimsins. Það er kaldhæðni örlagana að daginn sem leikstjórinn klippti viðtalið við Ólaf sá hann mynd af sömu jörð á forsíðum blaða í Kanada þar sem gosmökkurinn gnæfði yfir. Honum var brugðið.

Þegar ég hjólaði í kringum landið í sumar gerði ég hlé á ferð minni á útskotinu við heimreiðina og dáðist af fegurð jarðarinnar.  Ekki datt mér í hug þau örlög sem voru í væntum. Sendi ábúendum mínar bestu óskir með von um að þeir og þeirra afkomendur megi byggja þessa jörð meðan land helst í byggð. Kristinn A. Guðjónsson

Gerir hlé á ræktun og búskap

I have a date for the summer trip/Dagsetning komin fyrir sumarferðina

Well the date has been decided. If everything goes according to plan a will start my biking trip this summer on June 25^th.

 

Þá er komin ákvörðun um hvenær ég legg í hann í sumar. Ef allt gengur eftir verður það 25. júní

Next summers trip - Ferðin næsta sumar

The table below shows the planed 2010 trip around the Westfjord broken down into daily sections. The trip will take 15 days. The idea is to cycle on average 75 km per day.

The longest day is around 135 km. This long day is on a relatively flat road, one of those where you endlessly go in and out of fjords. The distance between the starting point and destination this day in a direct line is only 34 km! The fjords are in other words adding 100 km to the travel distance. Some well placed road tunnels would be an improvement here!

The shortest day is only 28 km this day I need to cross two mountain passes that go as high as 500 m.a.s.l.

I am estimating an average daily speed of 10-15 km/h which I think is about right considering road conditions and difficulty level. Las summer I usually was averaging between 15-20 km/h. Wind has a great effect here and keep in mind that I am pooling a 20 kg trailer behind me. Usually I prefer to cycle around 5 hours per day but as you can see some days will be twice that. The path I will be following is shown on the map (blue arrows indicate direction of travel). I have also included a map that shows the route I took last summer. I think that this trip is possibly more difficult then the one I did last summer.

Like last summer the aim of the trip is to have fun. I am not trying to set any records (except possibly of being the fattest person that has cycled this circle).

 

Taflan fyrir neðan sýnir ferðalag sumarsins 2010. Ferðin tekur 15 daga og stefni ég að því að hjóla að jafnaði 75 km á dag en suma daga fer ég lengra og er lengsti dagur ferðarinnar frá Reykjanesi að Ísafirði 133 km. Þetta er hins vegar eftir sléttum vegi. Þann dag er ég að hjóla firðina við Ísafjarðardjúp. Loftlínan á milli staðanna er aðeins 34 km en vegurinn 133! Væri ekki ágætt að setja nokkur göng á þessa leið?

Stysti dagurinn er 28 km en það er yfir tvær háar heiðar að fara þann dag. Ég er að reikna með því að halda meðalhraða 10-15 km/kls. enda er ég að hjóla í miklum brekkum á erfiðum vegum. Í sumar hélt ég um 20 km meðalhraða. Vindurinn skiptir öllu máli hér. Hann hægir mjög á manni. Það er t.d. erfitt að fara mikið yfir 10 km/klst. í sterkum mótvindi. Líka þarf að muna að ég er með kerru í eftirdragi sem vegur 20 kg. Leiðin sem ég ætla að hjóla er sýnd á með fylgjandi korti og segja bláu örvarnar til um stefnu. Ég læt einnig fylgja kort sem sýnir hringinn í sumar. Persónulega held ég að ferðin næsta sumar verði ef til vill erfiðari en sú sem ég fór seinasta sumar.

Sem fyrr er markmiðið að hafa gaman af þessu. Ég er ekki að reyna setja nein met nema ef vera kynni að vera feitasti maður sem hefur hjólað þetta.

 

	Origin and destinations	km	Max elev. m	Min  elev. m	Elev.change m	difficulty	Avg. speed km/h	hours
1	Hvalfjarðargöng - Bifröst	64	89	0	89	h	15	4,5
2	Bifröst - Búðardalur	48	394	12	382	b	10	4,8
3	Búðardalur - Hólmavík	77	373	0	373	b	10	8
4	Hólmavík - Reykjanes	88	432	0	432	b	11	8
5	Reykjanes - Ísafjörður	133	180	0	180	f	15	8,9
6	Ísafjörður - Hrafnseyrif	62	731	0	731	bb	10	6,2
7	Hrafnseyri - Bíldudalur	78	510	0	510	bb	10	8
8	Bíldudalur - Patreksfjörður	28	500	0	500	bb	10	3
9	Patreksfjörður - Vatnsdalur	62	404	0	404	bb	10	6
10	Vatnsdalur - Gufudalur	85	334	0	334	b	15	6
11	Gufudalur - Búðardalur	93	326	0	328	bb	12	8
12	Búðardalur - Tröð	119	233	0	233	f	15	8
13	Tröð - Búðir	72	180	0	180	f	15	5
14	Búðir - Borgarnes	98	78	0	78	f	15	6
15	Borgarnes - Reykjavík	32	70	0	70	f	15	3
	Km total:	1139		Hours total:				93

 

Skrár tengdar þessari bloggfærslu:

• Hringurinn2009
• Vestfirðir2010

Talar þú ensku/Do you speak English

Do to popular demand I have decided to convert over to English here on my blog. In fact, I´ll be using both English and Icelandic. Please feel free to comment either in English or Icelandic if you want. Unfortunately you will be asked in Icelandic to sum two numbers in order to be able to make comments. These are usually two numbers between one and ten. The icelandic numbers and their translations are listed below. Please excuse the English spelling here. English is, after all, not my native tounge. I will be posting more information on next summer´s bike trip in the coming days...

Vegna margra óska hef ég ákveðið að breyta yfir í ensku á þessu bloggi. Reyndar mun ég skrifa á báðum málum. Ykkur er velkomið að gera athugasemdir á því máli sem þið kjósið helst. Þið verðið hins vegar að afsaka villur í enskri stafsetningu enda er þetta ekki móðurmál mitt. Ég mun setja innan tíðar frekari upplýsingar inn á vefinn um hjólaferð sumarsins (Vestfirðina)

ein = 1, tveir = 2, þrír = 3, fjórir = 4, fimm = 5, sex = 6, sjö = 7, átta = 8, níu = 9 and tíu = 10

Tölfræði ferðar

Ég er búinn að fara vandlega yfir tölfræðina eins og ég hef skráð hana í tækinu. Í ljós kemur að ég hjólaði slétta 1400 km. Þetta er hringurinn ef farið er firðina um göngi við Reyðarfjörð. Ég var á hjólinu í 96 tíma það tók mig því slétta 4 sólarhringa að gera þetta. Alls var ég 20 daga að þessu en þar af 4 frí. Þannig að þessir 4 hjóladagar deilast á 16 daga. Þetta er mun betri árangur en ég hafði haldið. Hafa ber í huga að ég var einstaklega heppinn með veður og vinda.

Myndir komnar í albúmið

Er búinn að setja nokkrar myndir í albúmið. Þið veljið myndaalbúm hér vinstra megin á síðunni (undir efni). Klikkið svo á fyrstu mynd og þá opnast hún. Síðan er hægt að nota örvar fyrir ofan myndir til að fara fram og til baka í albúminu. Reyndi eftir bestu getu að setja texta við. Þið afsakið stafsetningar- og innsláttavillur. Allar ábendingar um efnisvillur eru vel þegnar.

Hringnum lokað - 1396 km hjólaför er á enda

Byrjuðum daginn klukkan 8:30 á gistiheimilinu Hamri - Hvítahúsinu á gólfvellinum. Áttum þar góða kvöldstund í góðu yfirlæti hjá Gunnu og Erlu. Mæli sannarlega með þessum stað. Þið getið keypt góðan mat þarna á sanngjörnu verði. Mæli hins vegar ekki með Icelandair Hótelinu við hliðina þar sem internet mínútan kostar 40 kr og það innifelur ekki íslenska stafi á lyklaborðinu. I gær bættist Inga vinkona Thelmu systur í hópinn en hún er nuddkona og fengum við því ágætis nudd um kvöldið. Einar bróðir "hjólaði" til móts við okkur frá Ólafsvík en reyndar á mótorhjóli. Hann er jú gamall og slitinn og treystir sér ekki í alvöru hjólamennsku :o)

Hittum norðurhjólfara þar sem við hófum för. Þeir hjóluðu á keppnishjólum og skiptust á. Höfðu einnig með sér fylgdarbíla með blikkljósum. Ferðin gekk frábærlega enda vegurinn nokkuð beinn og breiður. Að vísu var umferð mjög þung og tillitsemi ökumann minnkaði eftir því sem umferðarþunginn jókst. Vorum við göngin 12:45 en það tók hálftíma að selflytja okkur í gegn. Síðan var hjólað sem leið lá í Fífuselið þar sem byðu okkar pylsur og kók og góðir vinir. Frábæru ævintýri er nú lokið - í bili. Alls hjólaði ég 1396 km á 20 dögum en þar af var ég í fríi í fjóra. Þannig að ég tók hringinn á 16 dögum sem er í raun mun betra en ég bjóst við. Hafði ætlað mér 25-30 daga í þetta. Af þessum fjórum frídögum var einn vegna bilunar (Við Mýjavatn), einn vegna umferðarþunga (við Blöndós) en hinir tveir bara í gammi teknir vegna góðs veðurs aðallega. Aldrei þurfti ég að stoppa vegna veðurs. Af öllum þessum tíma var veður hagstætt í 80% tilfella (oft mjög góður meðbyr) en óhagstætt í 10% tilfella. Þar af 5% tilfella vegna of mikils hita! Það er því ljóst að ég naut blessunar veðurguðanna á þessu ferðalagi mínu.

Á morgun eða hinn ætla ég að vera búinn að setja inn myndir í albúmið frá ferðalaginu og gera nákvæmari útreikninga t.d. hvað ferðalagið tók margar klukkustundir. Það var skráð í smátriðum í gps tækið hvað margar mínútur ég var á ferð. Hvet ykkur eindregið til að líta inn hérna aftur til að skoða þetta. Næsta verkefni er að hjóla frá Reykjavík, hringinn um Snæfellsnesið, Búðardal og firðina og aftur til baka. Það þarf annað hjól í það og verður líklega ekki ger á þessu sumri. Já vel að merkja ég tapaði sléttum sjö kílóum á ferðalaginu sem er minna en ég bjóst við en ekki má gleyma að vöðvamassi byggist upp við svona átök. Ég er því að öllum líkindum feitasti maður sem hefur hjólað hringinn!!

Kominn í Borgarnes

Lögðum af stað kl 8.30 Gunnlaugur Júlíusson hlaupari gisti á sama hóteli . Hann hóf hlaupið í sunnanverðri Holtavöruheiði á sma tíma og við lögðum á norðanverða heiðina. Hittum hann á háheiðinni í 404 m. Áttum síðan gott rennsli í Borgarfjörðinn. Búið að laga hjólið. Gistum í kvöld hjá Gunnu og Erlu hjá í Hvíta húsinu við golfvölinn. Leggjum í hann kl. 10 á morgun, verðum við Hvalfjarðargöngin kl 12 og á á Fífuseli 34 kl 3 til 4. Öllum sem lesa þetta er boðið í pulsupartý á Fífuseli 34 um það leyti.

Veit einhver um hjólaviðgerðarmann í Borgarnesi?

Það slitnaði teinn hjá mér í fyrradag og ég skipti um hann í gær. Sé nú að það er annar teinn slitinn í dag. Búinn með varateinana. Veit einhver um viðgerðamann í Borgarnesi? Þá væri gott að heyra frá viðkomandi. Annars verð ég á skrölta á skældu dekkinu í bæinn.

Hjólað hraðbyr frá Blöndósi að Hótel Staðarskála

Vöknuðum 7:30 í björtu og fallegu veðri á Blönduós. Vorum komin á hjólin klukkan 8:30. Veðrið var fallegt og eftir smá brekku í byrjun var þetta eiginlega bein leið yfir Ásana í Vatnsdalinn. Virkilega fallegt að hjóla Vatnsdalinn og Víðidalinn en þegar kom upp á heiðina upp af Víðidal tók við norðan belgingur. Það var kalt og napurt eins og venjulega í Mjóafirði. Stoppuðum á Laugabakka og fengum okkur hádegisverð en héldum svo ferð áfram. Það var napur hliðarvindur  skáhalt á okkur en þegar kom í Hrútafjörðinn hallaði vegurinn yfir í há suður og við vorum með vindinn í bakið alla leið að gististað. Þetta gekk ágætlega í dag. 86 km á sléttum fimm tímum. Umferðin var lítil um morguninn en fór vaxandi eftir því sem leið nær hádegi. Á morgun er það svo Holtavörðuheiðin. Spáin er góð og við ættum að eiga greiða leið í Borgarnes svo framlega sem ekkert bilar.